بداية مسلم ذِكِر ربه لأبتدأ بأمرا =و أنا أبا أبدأ باسم اللي يسوق السحب ثجاجه
ابعرف على نفسي وساسي من هل الصحرا=ابويه ماشرى سيكل ولافكر بدراجة
معلمني على الدلة وشبت ناره الفجرا= وكيف الرجل يضربه مثل تيماوهداجه
نقش حب الرجوله في فوادي منذ الصغرا= عسى الله يحفظه لي عمود البيت وسراجه
وناجايزجزاءالحربي ربوعي من بني عمراء= الى من الملا كلن تذكر درعه وتاجه
اصوغ البيت من لندن وربعي وراءالبترا=مسافات تبعثر شاشة الجوال و ابراجه
اشجع نفسي بنفسي وقول ان الفرج بكرا= اشجع نفسي لجل رزقي و اعرف الناس هراجه
ازور الي لها في طبنا جبرا= ولا كن كسرة الخاطر بلياطب منعاجه
تمنينا ونص اللي تمنا من العرب فقرا=وانا لي امنيه تخص البيت وسياجه
ابي جميع حربي(ن) يشيل الرتبه الصفرا= يفز ان قاله حربي نخيتك باغين حاجه
يكب الكرسي وياقف شعر راسه من القشرا=ولايلوي للك حنوكه ولايعقد لك احجاجه
يقول ابشر بعزك لوتجي داحس امع الغبرا=ولايذيك بالمنه ولايبلشك بإزعاجه
حمية حرب في وجهه على وجه السعد تقرا=ورث حب القبيله والقبيله نار وهاجه
وابي جميع حربي يحوش الزرق والعفرا= عطاه الله من فضله وغيره ناس محتاجه
ابيه ان شاف له حربي نفق من صبره الصبرا=طواه الوقت ماتلقى بجيبه قيمة علاجه
يحاول ينهظه حتى من امراض الزمن يبرا=عشان الفقرعن ربعي يقفل باقي ادراجه
ولاني قاصر الفزعه عن المحتاج من برا=جميع البدو شفقانه على الطيب ومنهاجه
ولاكن المدينه حبها فارق يا اهل شقرا=وا نا احب القبيله لويصك البعد مزلاجه
مناصبنا ومتاجرنا تخلى لأنتها العمرا=ومعاريف الفتى تبقى نهارالضيق مخراجه
و أناغامرت يوم اني قطعت الشاره الحمرا= مااحب اعصابي اطول معي وسط ثلاجه
كل القصد ابا اليمنى تساعد بالشقا اليسرا=كتبت النص والحربي على هالفلم مخراجه