المشاركة الأصلية كتبت بواسطة صقر المراقيب

وآحالي اللي غدت فرحه لعدوانـي = قصه تبكي لو اني جيـت ابرويهـا
اليا انتهى هـم ٍ تورطـت بالثانـي = من وين متوجه ابلش في بلاويهـا
شمل الاحبه تفرق صرت وحدانـي = وجروح قلبي غريقه فـي مداميهـا
من هول ماصابني ياناس حيرانـي = كيف البواخر تعدى عـن موانيهـا
وقتي تـردى معـي ثـم ٍ تحدانـي = روحي عليله يارب الناس داويهـا
يالله رجّع لنـا عذبـات الازمانـي = سنين ٍ مضت لي فؤادي سالي ٍ فيها
عمر ٍ قضيته فرح بوجـود خلانـي = ترجع مياهه تمشى فـي مجاريهـا
مافادني في همومي كثـر كتمانـي = كتمتهـا ميـر ماقـدرت اخفيـهـا
في وصفها يصعب التعبير بالساني = والوقت ضيق ولا يسعف لحاكيهـا