آلحب له لسعه مثل لسعـة آلـدآب=وآلموت كُلـه لنتشـر فيـك سمّـه
إن جيت تطلع منه بآلحيـل كـذآب=وإن جيت تصبر هذي آكبـر مطمّـه
وآلحب له نظره ومفتـآح وآبـوآب=وآروآح عآشـت بآلفـرح مستتمّـه
مخلـوق مآميـز قريبيـن وآجنـاب=تقريب كـل آلنـاس للنـاس همّـه
حلقة وصل مآبين صآحي ومنصـآب=ونقطة تفآهـم فـي حيآتـك مُهمّـه
مثل آلهواء في آلكون يمشي وينسـآب=وإذآ نـوآك يحطـك بجـوف كُمّـه
لآ يمتلك مخلـب ولآ يمتلـك نـآب=هيئة حقوق إنسـآن فـي رآس قمّـه
مآهوب رآيح لك كذآ مآله آسبـآب=لآبـد لـه مـوّآل جآبـه وخـمّـه
آطاح في حكآم وشيـوخ وآشنـآب=وفتـآوي آلدعـوه وروس آلأئمّـه
ويكرم عن آلأذناب وعيآل آلأذنـآب=ومحشوم عن درب آلـردى وآلمذمّـه
وآقلبي إللي يحتضـر بعـد مـآذآب=وآعينـي إللـي نومهـآ مآتضـمّـه
وآرآسي إللي من صدى آلمعركه شآب=وآجرحي إللـي مآلقـى مـن يلمّـه
وآحظي إللي طول آلأيـام منصـاب=وآعمـري آلمحظـور فـي زود غمّـه
وآجرحي إللي بين آلأظلاع مآطـآب=ينزف ولو مآشآفـت آلنـآس دمّـه
يآللي سرقت آلقلب من بعد مآتـآب=ونسّيت قلبي عـن خوآلـه وعمّـه
درب آلهواء مآهو مثل درب آلأعجآب=درب آلهواء يبغـى توآصـل وهِمّـه
تعآل دآم آلجـوّ صآفـي وجـذآب=وآقلط على قلبـي ورُكـه وصُمّـه
وإن كآن تبغآهـا مجـآزر وإرهـآب=إطعـن خفوقـي وآستحلـه ودِمّـه
وإن كآن تبغآهآ سعـآده وترحـآب=فآلسآلفـه- دقـه -وشوفه-وضًمّـه
مآبينـي وبينـك فوآتيـر وحسـآب=بيني وبينـك حـب صـآدق وذمّـه
تبغى آلكلآم إللي بلآ شرح وخطآب=مآفيه غيرك صـرت آشوفـه وآشمّـه
في غيبتك كنـي محآصـر بسـردآب=لآ درب قدآمـي ولآ فـيـه يـمّـه
تآيه ولآ لـي عـن مفآليـك مجنـآب=ضآمي وآنا آشرب من غيآبك وآعمّه
مبطي ولك في عين شآعرك مرقـآب=عآلي ولآ لحقـك مـن آلنـآس نًمّـه
يآعود كمبودي ويآطيـب آلأطيـآب=يآغيمـةٍ تمطـر عـلـىّ مدلهـمّـه
صحيح مآلك عندنآ جـد وآنسـآب=لآشك حرف آلشيـن علـى متمّـه
آلرآبط إللي يربط آعرآب بآعـرآب=عيآل جآك آلعـون وآخـوآن شمّـه
وآهل آلمرآجل مآهي بمرجلة سـآب=إلآ مرآجـل إنحـره وآلعـن أَمّــه
فديت كبدش من آغسطس وفـي آب=وفديت كبدش كـل موعـد ولمّـه
يآهآجري وآلحب له خيـل وركـآب=ودم آلوفـآء معكـآزه إللـي يزمّـه
آبغآك تحفظني بقلبـك وآلآهـدآب=وآنآ بحفظك حفظ يآآآمي لدمّـه
يآللي هوآك آشد من قطع آلأرقـآب=وآبعد من آلوحـده بعينيـن آلأمّـه
مشتآق وإللي زآدني هـم وآتعـآب=لآجآتني لبيـه مـن وسـط فمّـه