اولا ""
العضو في سطور ""
فوازبن محسن على الطيب شامان =معلم الأجيال نحو (ن) وتصريف
صقر السما ..فالبحر صيَاد حيتان=وفالبر ريبال (ن) شديد المصاليف
أفخر بحرب .. وحرب فالعز تيجان =واهتم بالأنساب وفعل المظاريف
( عآمَّة )
1 / أَيُّهم تُفَضِّل ؟ ( الثُوب وَ ملحقآته ) أَمْ ( الجِينزَآت وَ التِي شِيرت) ! او ملابس الرياضه !
الثوب ملبوسي على كل ملبوس =ولاني للبس الجنز والشورت لابس
2 / هَل تُفَضِّل المَلآبِس الرَسميَّة ؟ أم السبُورآت؟
اللبس رسمي والمشاعر رقيقه = ولا ني على لبس الخواجات محدود
3 / مَاهِيَ المَآرَكة آلتي تحب أنْ تِشترِي مِنهَآ ( السبٌورآت ) ؟
لوضاقت الدنيا علينا وحالت = ثم أجبروني لبسها والتنكر
لبست ( ديداز ) المسمى ومالت = على عريب (ن) في لباسه تخكر
4 /مَاهِو الِشي آللذي لآ تَسْتغنَ عَنهُ فِي كل طَلعة ؟
باكور مطلي زيـًـنــته المعادن = والسبحة اللي من حبيبي هديه
والدله اللي في سواها مفنن =وصحبة هل الطالات وأهل الحميه
5 / فِي البَرد : بـ مَاذَآ عَآدَة تتدَفَّى ؟ ( جآكِيت ، سكَآرف ، قفآز إلخ ) !
بشت الحسا لبسي ليا كنت فالبر = ولا المدن في بردها نلبس الكوت
6 / مَاهِو لون قمآش ثوبك فِي البَرد .؟ وَ هل اِنت من النوع آللذي يهتم بـ الكبك أمْ لآ .؟
لبسي في عز البرد لون الغوالي =الجهم ولا الوضح ولا المشاعيل
ولا الكبك ما هو عليَه موالي = لجلي أشمر ساعدي فالحلاحيل
7 / فِي ( السبٌورآت ) .. مَاهِيَ الألوآن آلتي تحبها .؟
سؤالكم هذا سبقنا بجوابه = وأعيد وأكرره ماني بلباس
8 / مِن يِرتب لِك دولآب ملآبسك ؟
يرتب الدولاب من رتب الروح=اللي لها قلبي وروحي هديه
اللي ليا غابت حشا القلب مجروح=وإن جات وإن القلب مابه شكيه
أم العيال الغاليه قلبها صبوح=اللي لبوسي من يديها زكيه
9 / يهمَّك رَأي الأخرِين فِيك .. أمْ يكفِي أنَّك رآضِي عَن مَظهرك و أنآقتك ؟
مرآتي أخواني ... ولبسي على الذوق = وذوقي مع الأذواق راقي مكانه
( شمَآغِيَّآت )
1 / مَاذَا ِتفضِّل الشمَآغ أمْ الغترهـ ؟
الغتره البيضه بيوم المعايد=وألبس شماغ العز في ساير الوقت
2 / ( الشمَآغ ) ، شَي أسآسِي مَع الثوب ، أمْ قَدْ ممكن تستغنِي عَنه ؟
ثوب (ن) بلا عمامه قميص المنامي =واللي رمى شماغه عليه الملامه
3 / إذَآ كنت من آللذين يلبِسون أثوآب ،ماهي التَفصِيلة التي ِتحبها ؟ وَ نوع القمآش ؟ وَ لونه ؟
ثوبي سعودي ودقته دقة الجنز =العولمه تفرض علينا الحضاره
ومخلوط والتترن لنا فاضل البز =باسم الجديعي والجديعي صداره
4 / هَل اِنت من النوع آللذي يتلَثَّم بـ شمآغِه في البرد ؟
نعسف غترنا فالشدايد بلا ريب =ومن يعسف الغتره كثير الحراكي
5 / كِيف طَريقتك فِي لِبس الشمآغ ؟
لبس الشيوخ مكرمين الضيوفي =لاكان ماب الوقت ضيم (ن) ولاحيف
ولبس العيال مجدعين الكتوفي =لامالت الدنيا علينا بتزيف
( كَمآلِيَّآت )
1 / مَآ هو عِطرك المُفضَّل ؟
الطايفي اللي به الورد مقطور =وعود (ن) معتق من بلاد الهنودي
2 / مآهي مآركتك المفضلَة للـ سآعآت ؟
ألبس من السيكو جميل العقارب =و ( الفجر )تال الوقت ساعه بيدي
3 / كَم مَرَّة تذهب لِـ صَآلون الحلآقة فِي الشَهر ؟
أخنجر اللحيه بمقصي وموسي = مايضبط الحلاق ذوقي بتحديد
4 / تِحب تِلبس خآتم ؟ هل تحب ان تحمل المسبحه
فصي زبرجد أخضر اللون ساحر =في فضة نقشها نقش خلاب
والسبحه اللي يجبها كل شاعر =أفتلبها الأمثال والفتل بحساب
( طَلبآت، )
1 / صوِّر لنآ أي شَي تحبَه من ( ملآبس ، عطور ، سآعة . Any thing
صورت من بيت الشعر والفصاحه = لعلها تلقى قبول المقدم
وأرجو من الإخوة جزيل السماحه = وما يسلم الزله عريب تكلم
//
يلآ شبـآآب نبي حمآسكمـ وتفآعلكمـ