العيلم اللي زما في دار ابن زايد = احيّى قلوب البشر من غر الامزاني
وانا احمد الله مادام البيرق سعودي = جابه سليل الاماجد طير حوراني
ولاهي غريبه يجيب الفوز والبيرق = لانه سعودي وحربي ذرب الايماني
يازياد كل الفخر يفخر بما جبته = ياشاعر المملكة ماترضى بالثاني
اول واول واول مركزك دايم = مع الثقه بك طموح ماله اقراني
ياحيّ راسك وبنات الفكر والهاجس = شاعر مثقف ولك بالشعر برهاني
شاعر وهجسك غزايز والله الشاهد = وانا اشهد انك ببحر الشعر قبطاني
المجد يزهى سليل العز ويفخر به = شاعر وقافه لهزل القاف مايداني
والدولة اللي بها شاعر مثل هذا = ياكبر بختك ياددولة وسط الاوطاني
واللابه اللي زياد اليوم مثلّها = ياكبر حظك يالابه مالك اثماني
والبيرق اللي رفعته بالسماء عالي = لو تسأله عن شعوره قدم الاعياني
ليقول ياهل الشعر من صادق احساسي = اقولها وافتخر والعز يكساني
ليّ الفخر دامني بيدين ابو طارق = الغيمه اللي لها برق وهتاني
غيمه شعر والعزايز نوّرت دربه = فيه الادب والتواضع ميزة انساني
هذا سفير الشعر هذا هو النادر = هذا االذي للقوافي صار عنواني
شاعر وله مسلك بالشعر متميز = يقطف ثمار الشعر في كل بستاني
وابو ظبي قبل ماتلفي يابو طارق=اكبر طموحه ترى ياليت ينصاني
وجيته على مهرة صفرا وقضاعه = كفت مهار الشعر في كل ميداني
ومن جيت يمه شعوره جد مايوصف = ابو ظبي في قدومك جد طرباني
ومافيك حيله وفالك جد حققته = يازياد والله فرحك اليوم يزهاني
وهذا شعور العياضي في ولد عمه = مشاعرٌ من ضميري قالها لساني
اقولها وافتخر بزياد ابن عمي = وهذا ترى واجبي ياطير حوراني