/
/
/
/
/
/
/
/
/
/
/
/
اخوي الشاعر/ نداء الغيداني
صاحب القصائد الجزله
والله اني اعرف انك مشغول في كذا منتدى
ولكن سامحني كان ازعجتك
والسبب كله لأنك قلت ناوي تعتزل القصيد
قلت لازم ارجعك له
الصاحب اللي بالوفا خابرينه=رجل ٍ على الفرعات يكرب حزامه
واحنا لكربات الزمن ذاخرينه=هذاك ابو سامي رفيع ٍ مقامه
سلام ياراع العلوم السمينه=ياللي بفعل الطيب كسب احترامه
في كسب عرفك لي مكاسب ثمينه=عساك دايم في طريق السلامه
هيا استمع قصه جرت لي حزينه=قلبي ثمان سنين يشكي هيامه
وآقلبي اللي مهتنى مع ضنينه=خل ٍ صفى ماطاع هرج النمامه
هذاك خل ٍ صادق ٍ في حنينه=ماكان ضني بشتكي من عدامه
وحل الفراق اللي علينا غبينه=مشكاي لله من حياة الندامه
جاب الخبر زعلان يندى جبينه=من صدمته مسكين بردة عضامه
لحظة وداعه في مطار المدينه=والله منساها ليوم القيامه
اشر بكفه والمدامع بعينه=تجرح فؤاد اللي بلي في غرامه
ولحظة صعود الطايره مع ونينه=قالت عيونه دون لسمع كلامه
مات الامل في رجعتي للمدينه=وفراقنا باقي ليوم القيامه
الشاعر/ خالد بن عبيد بن معتوق ألأحمدي