المشاركة الأصلية كتبت بواسطة لافي

ياعود مندل ساقه الشوق يمي=يبرى الخزامى والنفل سايق العود
من دار أبو متعب جبلنا الأشمي=ابن الزعيم اللي بنى مجد مشهود
روِّح لمنه زاد بالقلب همي=آميرنا اللي نابتٍ منبت الجود
لا هو ولد خالي ولا أبوه عمي=لكن في قلبي وده يزود و يزود
هو سيدي سلطان يجري في دمي=وده .. عسى منه يشانيه للدود
هو عزنا في وقتنا المدلهمي=وهو فزعة الملهوف لاهبت النود
وهو خاصرة ثوبي وهو طول كمِّي=وهو ستر من يشكي من أيامه السود
يا الله ياللي كاشفٍ كل غمي=ياعالم النجوى وبالخير منشود
تلطف بعبدٍ سمه البعد سمي=وتجبر خواطر من تسقاه ويعود