حامد الهذلي وصياف الحربي (رحمه الله)=
حامد الهذلي =
ياعسى ماباس ياصياف وش غيبك مدة =لك زمن غايب ولاتدرج برجلك في تهامة
كيف ترقد يالسحيمي والحنش تحت المخدة=من يشوفك قال ياصياف ماتبغى السلامة
صياف =
غبت خمس سنين أجهز وأشتري للحرب عدة=جيت من حول الكويت وجيت من عند المنامة
والحنش ماهو لحاله بطرفه خاله وجدة=انتبه له لايقابل حرب وتصيدة رخامة
صياف الحربي (رحمه الله) ورشيد الزلامي=
صياف =
اليا قرينا الفاتحة واجب عليك تقول آمين=مافيه أشر من الحلوب اليا انكفى محلابها
رشيد الزلامي =
صياف يقرأ الفاتحة سبحان رب العالمين=لكن ماوفق على القبلة وصلابها
عبد الله العير (رحمه الله) ورشيد الزلامي =
عبدالله العير =
سلام يااصحابنا اللي جيتهم بالوعد=وأنا لياجتني الدعوات لبيتها
اصفى سما نجد لابارق ولامن رعد=وأنا لمحت المزن ورعودها اوحيتها
رشيد الزلامي =
الله يحييك ترحيب بليا عدد=قدمك رجال ترحب بك اليا جيتها
بس المصيبة تجيهم وانت مامعك أحد=قامت بك الأرض واشتغلت عفاريتها