/
/
/
/
/
/
/
/
/
/
/
/
ياناس باللي يذكروكوا شبابه = اهل الفعول مروضين الاعادي
قولوا لخلي لايطول غيابه=خطر ٍ عن الدنيا يودع فؤادي
غرو ٍ عليه القلب يشكي عذابه=يمشي معي دايم بطبعه عنادي
حالي معه دايم عتاب وطلابه=والعين بعده ماتذوق الرقادي
ارسلت له مكتوب مارد جابه=الله حسيبه حدني للسهادي
ودموع عيني كنها من سحابه=هلّت على ابها جنوب البلادي
مسكين ياللي ماتهنى شبابه=طرد الهوى مايجلب الا النكادي
راع الهوى مظلوم محد ٍ شقابه= صابر على لوعات قدم وجدادي
حتى لو انه مات محد ٍ درابه=شهيد حسره ماعليه الحدادي
ياحرب ياربعي رجال ٍ مهابه= سووا جميله رجعوا لي ودادي
والاجر عند اللي جزيل ٍ ثوابه=اللي امرنا بالصبر والجهادي
الشاعر/ خالد بن عبيد بن معتوق ألأحمدي