المشاركة الأصلية كتبت بواسطة بخيتان البشري

الا يا هاجسي هات العلوم وخافـي المكنـون=تراك اشغلتني واشغلت فكـري يـا معنينـي
أنا خابرك دايم فالعلـوم الطيبـة لـي عـون=شيء دونهـا مرفـوض تكفـى لاتشقينـي
دموعي في عيوني يوم دمعي داخلي مصيـون=لكن هلت الدمعة غصب مـن شـي يبكينـي
أنا شلت الهموم اللي رماها وقتـي المجنـون=رماها وسط قلبي والعرب مـا هـم بدارينـي
ابيك تسلي الخاطر وتجبـر دمعـة المحـزون=ترى ما غيرك اللي باح له سدي من سنينـي
دريت بحالتي والناس عني مـا بعـد يـدرون=هذا سـر خلـه ياصحيبـي بينـك وبينـي
وانا ما همني فالناس لو هم فالخفـا يحكـون=مكاني فوق واللـي تحـت مايقـدر يعادينـي
جريت وما لحقت الحظ وغيري فالعرب يمشون=حظوظ وحظي العاثـر مـع الأيـام ناسينـي
أنا رجال مشيي بالوفا يـوم الوفـاء عربـون=امده لرجـال اللـي علـى طبعـي تماشينـي
الاياذيب جر الصوت خل ذياب لـه يصحـون=صدى صوتك يهز جبال مـا هـز المساكينـي
اشوف الوقت مايل والليالي مالهـا مضمـون=وذيب اللي يلاقي صفحته تخلى مـن الدينـي
وراع الاولـة فالـه وغيـره دونهـا يقفـون=على العد القراح ليا ورد الكل تاليني