كل ما اقفى من ربيع العمر حول=قمت احسب حزن قلبي ومرحه
والمصيبه دايم الناتج يقول= فرق شاسع بين مرحه وترحه
وابتليت بهاجسٍ عيَا يزول=في متاهات القصيد ومطرحه
ابترمت بلجته عرضٍ وطول=قلت اباصل لآخر العمق ابرحه
واجمع من العمق مرجانٍ ولول=واسعد الي بدد الوقت فرحه
ماكتبت الشعر من باب الفضول=ياهل الموروث صونوا مسرحه
صونوا الموروث من ناسٍ تهول=ذا يعكربله وهذا يطرحه
بالميه عشره قصيدٍ له قبول= وقل منهم من غثى الشعر جرحه
والقضيه ترفض انصاف الحلول=والمكارم في لحود الأضرحه
العسل مسموم والسم معسول=والخبل لو يفهم الدرس شرحه
والله ان منادم الخبل الجهول=مثل من يشري لطله مطرحه