علم ٍ وصلنـا ليتنـا ماسمعنـاه=من سبته فالعيـد عشنـا كئابـه
من صدمته من قوته مـن تلقـاه=محد ٍ يلومه لـو يشقـق ثيابـه
في مبتدى شوال غالـي فقدنـاه=طلال بن حامد عضيـد القرابـه
ابن الوفي اللي على الطيب ذكراه=من شبته درب الردى مامشابـه
يالله ياللي مانـدم مـن ترجـاه=اسكنه علييـن واجـزل ثوابـه
ويوم الحشر يوم الرجا والمناجاه=تجعله في يمنـاه ياخـذ كتابـه
وطالبك صبر من بكى يوم فرقاه=والموت حق وكلنـا دون بابـه