المشاركة الأصلية كتبت بواسطة قابل البشري

قابل=
سلام للحاضرين يعم=من فرحة القلب وسروره
مثل القمر لاستدار وتم=وعلى البسيطه بدا نوره
مسعود=
ترحيب ماينحصي بالكم=يامن لنا جاد بحضوره
اللي بقيله يزيل الهم=ويجلى عن الخاطركدوره
قابل=
عسى البقاكلكم وانعم=ربعن على الطيب مخبوره
والان معكم نبا نرسم= حتى لنا تكمل الصوره
مسعود=
الكل بأهل الوفايعلم=والطيب مانجهل صقوره
واللي كماكم غزيرالجم=فالقيل ننهل من بحوره
قابل=
لي قلب صابر ولاعلم=رغم الذي جاه من جوره
واخاف من كثرمايكتم=ماينفعه طب دكتوره
مسعود=
الصبرواجب على المسلم=وكتمان الاسرار له دوره
في طبهالوسعى واهتم=قبل الاسى يثبت جذوره
قابل=
حفظت سري كما الابكم=مايطلع الحرف من زوره
حتى احترق قلبي المعدم=من كثرمايكتم شعوره
مسعود=
اللي فراسه فكر يفهم=يعرف خراجه ومقدوره
ومن لايحسب قبل يقدم= مايسددالربح مخسوره