العمودي =
: أفيدني عن سؤال الود =أللي اشتكى من مودينه
وقلي يجوز البنا ينهد = أللي على ساس بانينه
قابل =
: واجب عليه الجواب أرد = عاجل وياصلك ذلحينه
ايش الذي فالمودة جد = حتى نسي عامر سنينه
العمودي =
: قسي عليه الزمن واشتد = وزاروه معظم محبينه
وأللي بطرفه جهتهم لد = مدري عشان ايش ناسينه
قا بل=
: راعي الجفا قابله بالصد = جزا فما مدت يمينه
عساه بعد الصدود يرد = وتصبح معك مشيته زينه
العمودي =
: لا تحط بيني وبينه حد = صديقنا أللي مداعينه
يجوز عنده عذر ينعد = لا زال غالي وشارينه
قابل =
: آنا معاكم وماني ضد = وبالحيل حالك مراعينه
وانته وانا ننتظر للغد = ويبان خافي مظامينه
العمودي=
: مادمت معنا فهذا يسد = القول مرضي وراضينه
وواجب على مثلكم ينشد = عن وضعنا أللي مقاسينه
قابل =
: حنا في واجبك ما نقعد = ولا بد شرواك لافينه
ولو كان عندي خبر ياحمد = أوفيك واجبك في حينه
العمودي=
: أهل الوفا والخبر يسند = عني وانا من مقرينه
والله على قولنا يشهد = الحر نعطيه تثمينه
ونعاتب أللي نعزه جد = والشين ما همني شينه
وان جيتني خاطري يسعد = وهذا الذي منك محرينه