سالم البشري=
وين القلم باكتب الأبيات = وارسم معاني على بالي
واسايل اللي لهم خبرات = والقى إجابه على سؤالي
قابل =
يابادع القيل عطنا هات = أبيات من زين الامثالي
حنا المسايل لنا لاجات = تلقى الإجابات طوالي
سالم =
من بعد ماكثرت الآهات = والروح والقلب فجدالي
أصبحت في ساحة الأزمات = قاسي ولاحن من حالي
قابل =
خلك من الماضي اللي فات = واحسب حسابك من التالي
واللي يدور على الراحات = لابد مايدفع الغالي
سالم=
اللي معي داخل الحسبات = مايروح فقفاي وقبالي
سبب ألم في صميم الذات = رافع لي الضغط فالعالي
قابل=
الصبر للمبتلى منجات= وماجور في كل الاحوالي
عليك تدمح له السيات = وتمشي مع الدرب لو طالي