مشعل & قابل=
يامرحبا وأجمل الترحيب=بالشيخ عايش وخويانُه
ربعآ لهُم فالوفا والطيب=تاريخ من سالِف أزمانُه
أبومديده=
عسى البقا والوفا مايغيب=عن المعزِّب وجيرانُه
جينا معا ذيب ننصا ذيب=فالطيب راجِح بميزانُه

أبومديده=
شواهِد الطيب جابتنا=وأصحابنا طيبهُم مشهود
سلام فأول زيارتنا=حسب الذي بيننا معهود
مشعل & قابل=
هذا منانا وغايتنا=ونفرح بشرواك يوم يرود
ترحيب ترجم محبتنا=الله وخلقُه عليه شهود
أبومديده=
كُل يوم تكبر علاقتنا=مِن راعي الجود زاد الجود
نِظهِر فرحنا بدمعتنا=وياشينها فرحة الملهود
مشعل & قابل=
إنتم وحِنّا صداقتنا=على الوفا كُل يوم تزود
ياصاح دمعتك زادتنا=وإحترت فالفاعِل المفقود
أبومديده=
كيف أشتكيلك مصيبتنا=وأنا على فرحتي محسود
صروف الأيام هدّتنا=خلت جميع الليالي سود
مشعل & قابل=
أيامنا طول مِدتنا=ساعات تبخل وساع تجود
لكِّن سهِّل مهمتنا=حتى معك نبذِل المجهود
أبومديده=
جروحنا في مودتنا=تسري مِسا والصباح تعود
ومادام شاهدت حالتنا=بالجُهد ماأنته قصير زنود
مشعل & قابل=
اللي بلتنا وداوتنا=في ميلها عدلها موجود
وحِنّا على حسب شوفتنا=تسعى وراعي السعو محمود