الا واوجودي وجد راعي المطية=أللي اطلقها بالديار الخلية
يبغى يعشيها بتالي العشية=لكنه اخطى اللي تركها بلا قيد
وفقد ذلوله يوم حل الظلا مي=لومه عليه وما عليها ملامي
يوم كبته بالخبت جيعان ضامي=وماهو قريّب من ديار الاجاويد
وحالن حصلي مثل حالن حصله=لي ود كنت اواصله في محله
واليوم لو باواصله كيف أصلّه=بيني وبينه مشي يومين ويزيد
يوم باح سده قلتها له مزوحي=قالي بروح وقلت يالود روحي
وروح واخذ بيديه قلبي وروحي=واليوم مابيني وبينه مواعيد
ما غير وقت النوم يطري في بالي=واتذكره لاكنت قاعد لحالي
عايش في هذا الحال ليه ليالي=وحرمت عيني من لذيذ المراقيد
ولو الزمان يرد للقلب وده=لاقوم له بالمطلب أللي يعده
وما أملكه ياخذ منه ما يسده=واصيرله مملوك ويصير لي سيد