سلام في بداية المرسول =واجب علينا لكم نبديه
إن كان تسمح لنا ونقول =احرر الآه لك واشكيه

سلام في بداية المرسول=واجب علينا لكم نبديـه
إن كان تسمح لنا ونقول=احرر الآه لك واشكيـه
ترحيب من جانبـي مدبـول=باللي على الطيب من ماضيه
خليت بالي معـك مشغـول=ايش الذي فالحشـا مخفيـه
عساك تبقى رضي وتنول=من كل طيب وما ترجيـه
قلبي اختلف ضيع المعقول=من بعد لعب الجويهل فيه
بامشي مع المشتكى بوصول=علمٍ درسته وابـى آقريّـه
اشرح لنا الوضع تلقى حلول=من الذي جيـت تستفتيـه
الوضع حساس للمعلـول=وماكل وصفه ترا تبريـه
خالف لي الظن والمأمول=حرام هجره وحرام ارضيه
لابد فالامر مـن مسـؤل=يجوزحاصل سبب حاديـه
خلاه يمشي بعرض وطول=عكس الذي كنت متمنيـه
دايم على راحتي محمول=اهديته الورد بين يديـه
كلفت روحي عنا وحمول=ولاادري عناده عليه ليه
مادام نهجك وفا وكمول=ويمدلك عكس ماتعطيه
خله مع العالم المجهول=من باعك اليوم لاتشريه