قال أحبك قلت أنا والله بعد
من زمان أغليك لكني خجول
خفت أقول إني أحبك تبتعد
قلت ابصبر لين ياتيني رسول
أنت كل الحب يا وجه السعد
وأنت عمري يا عسى عمرك يطول
إن بغيت أجيك ما عندي ف احد
ما أقول لجيتك صعب الوصول
أجلس لحالي وفكري يستعد
مع نجوم الليل في دارك يجول
عاشقٍ منكم وصاله يستمد
يرتجي شوفك ولكن وش تقول
اتصور كيف شكلك واجتهد
أرسمك واوصفك عرضٍ وطول
في عيوني مثل شكلك ما وجد
أتأمل فيك ويجيني ذهول
مع جمالك طيّب أخلاق وبعد
فيك دين ومرجله وابن أصول
لا نظرتك قام قلبي يرتعد
أو يصيب الحال من شوفك خمول
يا خياله لك بعد مني عهد
كل يوم أجيك لا نام العذول