السلام عليكم ورحمة الله وبركاته
ليا بغيت امدح مدحت الطيب اللي=ليا مدحته شاش والطيب يشوش
ثم جيته بالكلام الزين كلي=انقده من هاجسي نقد القروش
وفز فزت صاملاََََ قلبه مغلي=شايفاَ وجه العدو وده يهوش
وأن جلس فل الحجاج المسفهلي=حي والله راعي الوجه البشوش
من سلايل شجرتاَ مذرا وظلي=صافي المعدن لازيف ولا مغشوش
وانتبه للي كلامه جايزلي=واترك اللي فر فرات مخروش
وألتفت يم الحكيم ليا فطلي=وارفع النظره عن اللي دار بوش
واعتزي كان المعاني صوتلي=بالصقيل اللي ينوش الروس نوش
نوشتاَ عنوانها طوي السجلي=يوم دور اهل البنادق والقفوش
وأنت ياللي كان عندك علم قلي=لاتوصيلي مع الناس الطروش
وأن بغيت تزورني تعرف محلي=لايضيعك المنافق والحروش