ما قلت أحبك .. ولا قــد قلت مـا حبّك
أحب مالي عيوني ... وأنت تســــواها
لو تـــدري إش كثر تعني لي تعرف أنك
آخــــر أمــــل في حيـــاتي وأول مناها
يا كثــر أحــس أن بك منـي وبـي منك
روح قسمــــها على جســمين مـولاها
لا تقـــول شتـحب فينـي أعشقك كلك
من ليل شعرك لشمسك وآخر أقصاها
سميتنـي نصــفك الثـــــاني وأنـــا خلك
وأنـــا بسمـيك كلي ... وأنت معـــناها
تعــــبت أوديك لــــه يا قــــلب ويردك
لا خذ حلــــومي .. ولا خــلاني أنساها
كـــــل الحمام اســــتراح وناح في ظلك
والورد الأصفر سقتــه الروح من ماها
ليتك بعينــي ثلاث أشــــخاص أو كنك
واحــــد بجنبي .. وواحـــد روحـي يملاها
والثــــالث بجفن عينـي لا فقـد حســّك
أو غمض الجفن .. جاني فيك يتـــباها
مو بـــس أحبك .. أنا والله من حبـــك
أحب حتــــى ثرى الأرض اللي تاطاها