من بعدك الجوال يازيـن مقفـول= والشحن ماعاد اشتري له بطاقـه
من عقب ماهو في محاكاك مشغول=يوم اننـا بالـود عشنـا علاقـه
دار الزمن فينا على وضع مجهول=حسبي على اللي ساعي ٍ في نفاقه
في غيبتك ملّيت يافـارع الطـول=ودعت لحظـات الهنـا والرواقـه
قمت اتوجد واصفق الكف مذهـول=وجد الذي بالعب مكسـور ساقـه
يوم انهم شالـوّه ماسجـل القـول=الحض خانـه بعـد ذيـك اللياقـه
وعزي لمن حضه له النحس مدبول=لاقـل مابيـده هجـوه الرفـاقـه
ولامال به حالـه ولاهـو بمعـدول=مايدق لـه بـاب ٍ ولا دق طاقـه
لو كان شخصه حي محسوب مقتول= له قلب يجذب تحت موس الحلاقـه
يازين جوالي عن الشحن مفصـول=وبالقلب صابتني على الـود فاقـه
واقول ياليته على طـول مقفـول=ومالي على شحن البطايق شفاقـه