.. مساء الورد ..
كماهو في العنوان ..موضوعي اليوم عن ...:
$(( المصـروف المدرسي للأبنــــاء))$...

مثل ماانتم عارفين المصروف المدرسي .. ضروووري للطفل..ويعتبرشيء اساسي لابد منه في وقتنا الحالي..
و اطفالنا الله يحفظهم لمّايروحون للمدرسه أهم شي عندهم " المصروووف "..
تلاقي الواحد منهم ينسى شنطته.. ولا ينس المصروف ..

..حقيقةً ماني عارفه بالضبط كم المصروف المناسب للابن او البنت .. في عصرنا الحالي...؟؟
لأن في زمننا الماضي كنا ناخذ ريال واحد فقط ..طبعا مع( الساندوتش والعصير).... وان تدلّعنا ذاك اليوم خذنا 2 ريال.. .. ياقلبي علينا..
.. ومع ذلك ناخذها واحنا مبسوووطين .. ..
" الله يالدنيــا " ..!

اما جيل الزمن الحالي جرّبوا في يوم عطوهم ريال او ريالين وشوفوا ردة فعلهم التهكّميه ...! والله ان يغيبون ذاك اليوم... وان شافوكم مصمّمين تركوا الدراسه بكبرها...!
والله مايعجبهم العجب ولا الصيام في رجب..
تلاقي الطفل منهم في أولى ابتدائي ياخذ له (ساندوتش + عصير + 5 ريال ) يوميا .. وأحيانا 10 ريال.. على حسب المزاج..
طبعا هذا غير( الرحلات المدرسيه ) الشهريّه ..(50) ريال للرحله..
واذا كان ( يوم مفتوح ) .. (100) ريال..
وحتى لا يتّهمني احد بأني أعمّم ..اناكلامي أعلاه قياساً على اطفال العائله والمقربين ..

ونفسي اعرف بصراحه كم الناس يعطون ابناءهم مصروف..؟؟؟
حتى نقارن ونختار الأنسب...
ونتفق على ميزانيه معيّنه للمصروف اليومي..
(( لا تقتــير فيها ولا إســـراف ))..

أخي الكريم ..أختي الكريمه ..فضلا لاأمراً.. ياليت تذكرون لنا بكل مصداقيّه كم تعطي ابنك المصروف اليومي..مع ذكر المرحله الدراسيه ....

ولكم مني كل احترام وتقدير..