سلام ساخن سواة النار=حارق لهيبه ولايرحم
يقدر اللي لهم مقدار=وفالعلم ياخذ ويعطي علم
أشوف جو التحية حار=وأخاف لايصبح جهنم
يامرحبابك رجل هودار=جميعنا منك نتعلم
عسى البقا عطني المسعار=إن كان تبغى العلوم تتم
لاتحسب إني على ماصار=من علم بنسى ولاأهتم
العلم بين العرب لادار=مايفهمه غير متعلم
هات المثل وإبدي الأسرار=لاتخفي العلم وتكتِّم
إنظر في حال الفلك دوار=مثل الرحا صارم ومحكم
هذاك يبكي أسى وأمرار=وهذا في سابع سبات وحلم
كل البشر تتبع الأقدار=وتمشي على الساير المبهم
والمشتكي من أسى وأضرار=بكرة بعيش الرغد ينعم
المشكلة زادت الأكدار=حتى أصبح الهم زايد هم
أهل الحِقِد تبدي الأخطار=وإحنا إلى الآن نبغى سلم
طبع العرب شجب وإستنكار=وفي حزة الجد تستسلم
ومن يأمن العاقبة والثار=يَقتُل ولاينحسب مجرم