العلوم اللي تحـــط الناس راس القمــه =حبلها من يمكم يا صاحبنا معقودي
ثوبك اللي ما ينوش الارض غير بكمّه= نزله للجمره اللي فوق راس العودي
ودي اكشف غلطتك للعالم الملتمّه=انت حــربياً تطالبني بورث جدودي
يامحبين العقال ومنكرين العمّه=خصمكم بالآخره عبدالله المسعودي
انتم رجال الدين وعضامكم منسمّه=اعبروا ذاك الطريق وحملكم مشدودي
انت ماتدري عن البارود لين تشمّه=مير لاترمي بها فالوادي المسـدودي
لو ياصياف علمي تمسكه وتضمّه=تاجده مثل العسل والا حليب القـــودي
انت تحسب جدنا دابٍ يموت بسمّه= مير انا اباأبذل لنصره طاقتي وجهودي
اقطع الله ديرة اللي ما يعرف الجمّه=والتجاره يالعتيبي بابها محــدودي
قبرك اللي في تهامه بالتراب ندمّه=تحفره بالليل الاظلم والعباد رقـودي