يالله تنصر شعبنـا فـي فلسطيـن=واخـزي عدوينـه وحـرر بـلاده
بارض الرباط وكمل العـام ستيـن=كافح وناضـل والضحايـا زيـاده
شعب ٍ جريح ولحـن ألأه تلحيـن=فيه الجـروح وشـح طبّـه وزاده
قام يتهجر كلـه اسبـاب توطيـن=شعب ٍ عليه تشن حـرب الإبـاده
أن ماشكى لك ضيم يشكي على مين=انصـر عبـادك يارحيـم بعبـاده
كم ناضلوا كم جاهدوا معلنوا ليـن=فالمعركـه ثـم اعلنوهـا شهـاده
مالك سمي ياخالق ألانس من طين=من صد عن ذكرك مصيره نكـاده
يااللي نصر حنده بميـدان حطيـن=انصر من استضعف وشاف القراده
وعندي امل وآردد أمين واميـن=النصـر قـادم والتوالـي سعـاده
أنا طلبت الله مخلـص لـه الديـن=ومن يطلبـه لابـد يلقـى مـراده
واختـم بكلمـه معلنـه للملاييـن=من القلب مصدرها وفيهـا إفـاده
عيب ٍ علينا نقول حنّـا مسلميـن=لاصار فينا الصمت بالحـق عـاده