غاب القمر وسهيل والجدي ما بان=ونجمٍ تعدى فوق ما نشوف نوره
وصاب الثريَّا ضعف من هز الأركان=وبعثر صفاها ليل ياجور جوره
وأخذ المكانه نجم ياليت ماكان=لاصوت نسمع له ولا نشوف صورة
وسرنا سواري بحر من دون ربان=نعقد عليه العزم ونطيع شوره
لاتلومني كان أتجرع بالأحزان=وأنعى الزمان اللي سما في سروره
أنعى النجوم اللي تشاهد بالأعيان=مع دورة الأفلاك في كل دورة
النيرات اللي لها في السماء شأن=حزة شعاع الشمس يرسل حروره
ولا صك باب تفك للنور بيبان=وتجزي عن الطافي وتدرى شعوره
اللي لها في صفحة المجد تبيان=نعرف بها خير العمل من شروره
ومن غرته دنياه لاشك خسران=ولا أضن مغرورٍ سلم من غروره