المشاركة الأصلية كتبت بواسطة لافي

ياهاجسي من ضيع السر قلِّه=حنا فهقنا عنك حشمة وقانون
وقله تريث .. ما وطينا بخلة=لو كان نمشي بين صاحي ومجنون
خذها نصيحة علم تدراه خلِّه=الناس مثلك عندها لسان وعيون
لا تحسب أنك فوق شمسٍ مطلة=عينك بصيرة والعرب مايشوفون
إن كان سرٍٍ ضَيَّق الصدر هله=ما أنت على ما قيل للسر مامون
لكن ترى ياشين علتك علة=ياويل من سره به الناس يدرون
ابعد عن اللي لانعقد صعب حلِّه=المال قبلك ماحمى رأس قارون
وقصر الكلام اللي على زين مله=العبد لا ما راح بالدين مرهون
ويابخت منه عاش من دون زلة=وأمسى بها داين ولا مات مديون
وسبحان منه عالم السر كله=عالم بسر العبد ظاهر ومكنون