انا ما اخطيت في حقك ولكن الكلام عتاب =أعاتب والعتب كلمة تفسرها معانيها
اعاتب واحسب بهرجي الى مني حكيت حساب =وكلمه يستحي منها لساني يبتدى فيها
واذا انت من العتب تزعل علينا وبتصك الباب =ترى ما نيب قاصدها ولاني فيك ناويها
ولا ودى على الفرقا وقلبي داخلي مرتاب =اشوف ان الهوى خدعة واشوف القلب راضيها
واشوف ان الهوى فرقا مواليف وعناد احباب =واشوف ان الجفا خطوة ولاني قادر اخطيها
وقلبي لو عشق يخلص ولو طالت عليه رقاب =وتشهد له دروب الحب حاضرها وماضيها
عشقنا والهوى حسرة مشينا والامل كذاب =دنيا نابني منها قليل من بلاويها
عرفت الحب من عمري صغير بالغرام وشاب =وقلبي للحبيب اكبر من الدنيا وما فيها
صحيح انى نويت ابعد ولكن الهوى غلاب =وهي رحلة بديت بها ولا ادري كيف بنهيها
تحريتك شروق الشمس وشفتك للشروق غياب =ولا اظنك تبيع العشره اللي كنت شاريها
بقى لي بالهوى نظرة وتغريبة ودمع اهداب =وقصة بترك لسانك على العذال يرويها
واناجي باقي حروفي وبألف للفراق كتاب =قصايد تملي اوراقي ارددها واغنيها
واذا مرتني الذكرى وجرحي بالحشا ما طاب =بتبعدني وتدنيني وببعدها وابدنيها
وانا عيب علي اشكي من الدنيا بدون اسباب =مدامي ما خذ منها يجيني يوم واعطيها ..
=حامد زيد العازمي