المشاركة الأصلية كتبت بواسطة عبيد مفلح العوفي

ماكـل دلـه شربهـا كيـف للـراس =كـم دلـةٍ ماعدلـت كيـف راسـي
الا اٍن حكرها اٍنسان بالكيـف حسـاس =مـن دلتـه فنـجـال يجلاعمـاسـي
ولا كل شاعر بالشعر يطرب النـاس =كـم شاعرٍشعـره يجيـب النعاسـي
بعض الشعر ماغير حبـرٍ بقرطـاس =مافيـه شـي يثيـر فيـك الحماسـي
ولا كل معدن لـه معاييـر وقيـاس =به فـرق مابيـن الذهـب والنحاسـي
ولا كل هوجـاسٍ يشابـه لهوجـاس =بعض الهجوس الها صفوف وكراسي
بعض الهجوس ليالفت عقب الادمـاس =صرت البحر وهي السفن والمراسـي
نعزف لحن من دون عودٍ ومـرواس =وننقش علىصخورالجبـال الرواسـي
انا الشعرعنـدي مفاهيـم واحـسـاس =ماهـو مجـرد بهرجـات وأماسـي
اموت ماانطـق كلمـةٍ مالهـا سـاس =واموت مألبس ثـوب ماهـو مقاسـي
واموت مأخضع لاجل مصلحتي الراس =واموت مأخلف سلم ربعـي وناسـي
وان كان من دون الامل خيـم اليـاس =من عرفتـي للجـرح مالـه مواسـ