المشاركة الأصلية كتبت بواسطة زيد بن مبشر الحصني الحربي

الماقف الغصاب مابـي بـه شكـر=في واجبي وان غبت يلحقنـي زرا
ان كـان ماقدمـت لغيابـي عـذر=ماينفـع الغاليـن عـذرٌ مفتـرى
سريت يافـواز والمسـرى خطـر=من خوف جرح الروح يبطي مابرى
للمهرجان اللي على عـز وفخـر=في الملتقى اللي كلنا فيـه اومـرا
على طريـق ام الجماجـم للحفـر=واللي درى قد علم الـي مـادرى
من موجز النشره وتفصيل الخبـر=عبر الفضاء لهل العواصم والقرى
ياهل الوضح تاحت لكم فرصة عمر=ونشوف من يطلع بها قمـة كـرا
تباشروا يـوم الطهيمـي ماحضـر=بالنخبـه اللـي فعلهـا رد البـرى
رد البرى فيها الطهيمي وانتصـر=ونومس قبيلة حرب والعالم تـرى
واللي ماهو بوده يموت من القهـر=لو قال ابي قدام قـال ارجـع ورى
كم واحـد حـاول ولكـن ماقـدر=ابعد عليـه مـن الثريـا للثـرى
البل ثمنها المـال والـدم الحمـر=يامن يبيع الروح لعيـون عشـرا
سفن الصحاري كنها سفن البحـر=دور مع اهل الذود ماتلقـى افقـرا
من مشعل اللي جعل عمره ماقصـر=خلا هل البل والهواميـر اخشـرا
والشكـر لله ثـم لـولاة الامــر=آل السعود اللـي لنـا ظـل وذرى