سهران ليلي مع الافكار=تودي العقل وتجيبه
يوم اصبحت حالة المحتار=صعبة وضاعت مطاليبه
شبيتلك ياوليف النار = واشهرتلك سيف توميـبه
عجل لـ (نفاع) باالاخبار = قبل الهواجيس تسريـبه
ياللي لكم بالحشا مقدار=يا (حر) مشهود بالطيبة
حنا معك عون بالمشوار=الين توصل مراقيبه
دنياك هاذي تراها اقدار = ما اخطتك والله مكاتيبه
اقرا وهلل وقول اذكار= بالصبرتصفى مشاريبه
اشرحلك الحاصل اللي صار=ان كان عندك دواء جيبه
القلب لف الديار ودار=عيا يلاقي مطاليبه
ماقدر اقديك فالمشوار= واوصفلك علاج تبريـبه
قدام لاتكشف الاسرار = والظرف تقرا مكاتـيـبه
عطيتك العلم يابيطار=لاتترك الدرب وتسيبه
عطنا افاده عليهااقرار=ومثلك طويلة تجاريبه
مابان في شاشة الرادار = الا قمر وانت غاديـبه
لوكان بيني وبينه جدار = اعرفه واعرف اساليبه
سعيت كلي امل واصرار=لين اصبح القلب محريبه
تغيرت حسبتي بااصفار=وبانت خسايرمكاسيبه
طولتها والعلوم قصار = ولا البستها ثوب تمشيـبه
حتى لها تلفت الانظار = والكل يفتل اشانيـبه
سوق الغلا حكر للتجار = ومن عنده ريال يشريـبه
واللي ماعنده ولادينار = يشوفله شي يلـهـيـبه