الموضوع
:
محاورة سليمان القصيري وعبدالعزيز العازمي
عرض مشاركة واحدة
25-12-08, 06:09 PM
#
1
شـــــاعر
محاورة سليمان القصيري وعبدالعزيز العازمي
عبد العزيز العازمي=
في حفلة الاد عاضي محتمين الضعن= يامرحبا والرجال تعز ضيفانها
يالله عسى رحمتك تعم كل الوطن = وتربع المسلمين وتخظر اوطانها
سليمان القصيري=
فيك البقاء يالمرحب قلت بأغلى ثمن =والناس تقلط على ماتقدم ايمانها
ان زان لك اللحن يزين لي اللحن=والطيبه طيبه ماتصك بيبانها
العازمي=
ياحرب ياصحابنا الغالين دار الزمن = واليوم ضاعت رعيتكم يارعيانها
يارحلت اقريش كان الشام بعد اليمن =لجل ايش يوم الجمال تسحب ارسانها
القصيري=
ياربعنا ياعتيبه مستحلن عدن = والنار لا يعمي الضيفان دخانها
الشر لا دار يالعتبان دار وطحن=ياراعي البندق اللي هس نيشانها
العازمي=
اليوم يوم الذبيحه جاهزه بالصحن= اكلتم عيونها ما اكلتم لسانها
سافرت للحضرمي واللي شريته كفن= وابضاعة الحضرمي في وسط دكانها
القصيري=
جميع صدرن به الغيره زعل وانشحن = واللي ورثها على ماقالوا اخوانها
السر خله على ماقيل يوم اندفن=والطايره ماتطير إلا بجنحانها
العازمي=
اخوانها كلهم من ظهر والا بطن=من حرب ما عاد اشوف إلا سليمانها
كنك تقول اليدين اللي خذن ماعطن=ياعنك ما ضاعت الدينه ياديانها
القصيري=
اربع عيال لعلي واربع عيال الحسن = واما عيال الظهر لا بالخبر كانها
لقالوا الربع حكمن قيل لا صن صن =واللي بناله بنايه عز سيسانها
العازمي=
وش قولكم بالفتن والله يكاف الفتن = الانفس المؤمنه لا يذهب ايمانها
ياهل المنيحه ترى ماعاد فيها لبن =اليوم لا يتعب الضامي على شانها
القصيري=
زكن على هن واحنا نوصل العلم هن= لا شدت الناس لايرجع لمرحانها
ما دامها ياعتيبه شاذليه وبن =الغاليه غاليه ماهسة اثمانها
العازمي=
ياراعي الدنه اللي جبت حملة قطن= وشلون راع الامانه خانها خانها
صر الدراهم ترى مافيه كسوة بدن= واشتر لنفسك ملابس واعرف الوانها
القصيري=
لا تلتمس ماطمنا الطامنات ايخسن=ترى العزيزه عزيزه عز عمدانها
التوقيع :
رفيع المقام
مشاهدة ملفه الشخصي
البحث عن كل مشاركات رفيع المقام