تــعالي يـاهـجـوسـي سـاعديـني=بــعــبـرعـن شـعوري بـالمثايــل
طرالي ماطرالي يــاهجوســــي= فعايــــل عزوتـــــي قوم الفعايـل
إنا حربي وربـعي حـرب عـزي =لياشــــب اللهب روس الفتايـــــل
هل الطـــالات جـيل بعد جـيلــي= من الحاضــرلياعهــــد الأوائـــل
لهم صولات في شبه الجزيـــره على= الخيل وعلى الجيش الاصايل
يصـــدون العدا سقم المعـــــادي =عداهم مالهم في حــــــرب طايـل
فعــايلهم لهـــا التــاريخ سجــــل= وتلقــــى فـــي الدواويــن الدلايـل
بني سالم بنــــي مســروح حنــا=ليا جات الفعايــــل والصمـــــايل
حماة الضيف والجيــــران منــا =حقيـــــقه واقعـــــه والشك زايــل
وبذكر من فعايل حرب موجـــز =وعن الكثـــره يكفيـــنا القـــــلايل
ابذكــرقصه نويشــــي وربعـــه =علــى شان الخوي سوى الهوايــل
ذبح منهم اثنين وساقـــوا أربــع= وسابعهم قطــع كفـــه نكايــــــــل
وبذكر قصه الشيــــخ البلالــــي =مع الجيـــران شيال الثقايـــــــــل
بعد قالت له أم الجـار جــــــارك= امانه معــــك ياواف الخصايــــــل
وفعـلا دون جــاره ماتوانـــــــى= فــــدى جـــاره بروحه مايسايــل
وبذكر فعل ابن ناحل واعــــــده =وهــــو معطــي العطيات الجزايل
شهد له بالكـرم في من شهد لـــه= شهــــدله ابن رشيد امير حايـــــل
وبذكر شـــي من فعل اخو حسنا= محني من دما القــــوم الصقايـــل
ومن فعل الشجيـع وقـو باســـــه= بدس الطيــــــر مفـــــتك الجلايـل
وانالو بذكـــــر فعـــول القبيلـــه =وباعـــــــد الخفايـــف والثقايـــــل
يجـف الحبــر ماحصيناعددهــا= لوانـــــه تمتـــــــلي منه المسايــل
وهذا مختصرمن فعل ربعــــــي =بـــدون قصور في باقي القبايـــل
واختمها بذكـــــــرالله واصلــــي =علـــــى محمد عدد وبل المخايــل