بهالمساء كل حزن ٍ شاهرن سيفه=والف خيال ضيق بشلف وامزارق
وشي يقسى واناودي بتلطيفه=واعرف اني ماني خايف ولا سارق
تاقف اضداد شين صعب تاليفه=وصعب تعرف وش الي ينحسب فارق
غير شين يراودني شكل طيفه=خابره قبل يصبح بالحلا غارق
سولفو عن بعض ميزات توصيفه=وقالو انه فريد وطلته بارق
وزاد صوت المشاجرعندتعريفه=ورجحو باتفاق اقوالهم خارق
لين بعثر قصيدن صعب تصفيفه=كل فكره صباحــ(ن)بالورق شارق
وكل شطرين مع صوره وتاليفه=وكل هاجوس ابوه زياد جا طارق