المشاركة الأصلية كتبت بواسطة البحار خالد

اعوام دامت اخوتنا=طلعاتنا اجمل الرحلات
سبحان ربي مجمعنا=قلوب ماتعرف الغيبات
ايام كانت لها معنا=ماضي رسخ في صميم الذات
تفرقوا ربعنا وحنا=تاريخ عدى زمانه فات
ايام كانت مسيرتنا=نمشي على الجاه فالمجرات
يوم البحر كان يطربنا=عشنا معه اجمل اللحظات
كانت علوم السهر مغنا=يوم افتكر تسبق العبرات
واليوم كثرت مشاغلنا=وزادت على احوالنا علات
بعد الذي كان فاليمنا=اصبح وامسى مع الأموات
ننشد مع الطير لا غنا=ولا ون مانسمع الونات
واليا صفا الجو ابحرنا=ننشد مع السلك بالأهات
وإن عكرت ماتحسفنا=ناخذ من اهل البحر خبرات
ايام كانت منازلنا=بين الكواكب لنا واحات
ماضي مضى وانتحى عنا=أثر على النفس بالحسرات
وحنا على العهد مازلنا=قلوبنا تصفح الزلات
وليا نسينا يذكرنا=بحر المودة مع الغزرات