يا أصحابنا البعد فرقنا = ومهما بعدتم لكم مرسول
سلام و يا ذيب راسلنا = حسب الذي في الرسالة نقول
في البعد يبقى تواصلنا = ما شئ عنا و عنك يحول
يا مرحبا يا مصادقنا = حنا معك لو يحول الحول
هذا الرجا فيك و أقنعنا = فالصاحب اللي عليه حمول
طبعه يخالف طبايعنا = و القطع يفسد لنا المحصول
الناس أجناس في المعنى = و الكل في ماقفه مسؤول
حنا على حسب منهجنا = ما نفتي الا على مدلول
حسب السواير تعاقدنا = و الحبل من يمنا مفتول
و الناس تشهد بواقعنا = في سوق فيه الأصيل يطول
اللي بنهجه مخالفنا = و أخلف طريقه عن المعقول
لا عاد يتبعك و يتبعنا = اكتب على بطاقته مجهول
راجع ملفات دعوتنا = البتر ما يطبب المعلول
يصير أخلف مبادئنا = و أجزيه حسب الذي معمول
من تجربة لك صدرنا = و الحكم فوري ماهو منقول
من لا يقدر صداقتنا = ماله عذر عندنا مقبول