المشاركة الأصلية كتبت بواسطة نداء الغيداني

العلم مني يابن غيـدان مشـروح=يامزن غيث و يعجب الناس رعدك
حيثك من اللي مسكنه داخل الروح=واليا طابني قلت له جـاك سعـدك
كيف العمل لو فارقك ولف مملـوح=وشفته يوالف بالهوى شخص بعدك
انته تعديها ولـو كنـت مجـروح=ولا تعاقب مـن تهـاون بوعـدك
حي الكلام اللي له الصدر مفتوح=ياشاعرٍ قربتني رغم بعدك
الوضع يبغاله ذكى وانت طحطوح=تعرف شقى عمرك من ايام سعدك
كلٍ يواجه ماكتب له على اللوح=وحنا بما نملك ليا احتجت نعدك
ماهو صعيب انك تناساه ويروح=الصعب قافٍ منك جانا على اعدك