سلام الله على اللي ماذكرنا لو بكيف الحال =انا مدري زعل ولا خلل فني بجواله
غيابك طال ولا نعرف سبب لغيابك اللي طال=ومثلك لو يغيب الناس تنشدني عن احواله
غيابك ياولد عمي بلا معنى ولاهو فال=عسى الله يرحم اللي ورثك واعطاك من ماله
سقى الله ماضي الايام لابيجر ولا جوال=وكنا نلتقي بقلوبنا ليلي في منزاله
قبل لاتاخذك دنياك وتنسانا بكثر المال=وذي فله تعمرها وذا مكتب له دلاله
ترى دنياك ماتفنى ولو طالت بك الامال=ومن لاقدر العشره يزيد بنقص مكياله
ورجلا مايغرس الطيب يقفي ماعليه ظلال=ولو هو من كبار القوم كلن يحقر افعاله
انا ما اقول لاتسعى ولكن خفف الاعمال=ومن هو كان في سنك يبي يرتاح بعياله
ولو كان الحمل جاير ومن فوقه عليك اثقال=بني عمك لهم واجب ولا تقصر عن القالة