ملتقى قبيلة حرب الرسمي - عرض مشاركة واحدة

10-11-08, 02:45 PM


	المشاركة الأصلية كتبت بواسطة جوهر الحربي


	طال الرجاء والـــلي تمنيت ماصار= والمنتظر يالفــرم مــــــل انتظاره وقطعت شكي باليقين من الاشوار= عن كل هرجه واختصرت العبارة وجيتك وانا والله مـن طالب الثار = راسي رفيع وفي ضميري حرارة ماهو ردى في معدني بين الاخيار= مجـدي قديـم ولا جهلت اعتبـــاره يـوم القبايل تشـعل النــار للنــار = وحنا حمــول الخــيل في كل غارة مانستشر ولا نشـاور راع الدار = لا زلـت الشيــمة نــزوره بــــداره غصباً على العدوان ووجيه الاشرار= كم واحداً منا يشوف احتقاره ذا دلنا يــوم انها هجـــن ومهار = وسيفٍ مــن رقاب المناعير كاره بقيــادة اللـي للمجــاويخ قهار = ليــث الســباع اللـي يقـود النمــاره اللي صدى صيته بلغ كل الاقطار= بالسيف الاملح والكرم والجبارة صيتٍ سمى ماتختلف فيه الانظار= وصفه مثل بدر الدجى في مداره الفــرم فـرام المعـادي ليــاثــار = وغيث الدخيل الياعتزى واستجاره فعله عليه شهود وشهوده كبار = مايجــحده رجــلٍ براســه نعـــارة يوم العداء مع غفلته جوه زوار= شرقٍ مـن رويـة شماـل الزبـارة والفرم باطراف المغاتير صقار = مضحن ضحاه وملتهن بالصقارة وشاف الجموع اللي تبي نسع الازوار= في يومٍ اضفى غرته من غباره صاح وتعزوى ماتردد ولا احتار= واومى بدس الطير كيد وسطارة والعزوة اعطتهم عن الفارس انذار= وقالوا عسى الله مايبارك نهاره وراحت جموع القوم عن وجهه طيار= كلن مع الفرجة يدور فرارة الخوف خلى مقضب الطير بتار = والا تـرى الفسقان يـم المنارة مامنهم اللي لد عينه ولا اندار = راحوا مثل سرب الظباء مع قراره سمعوا صياحٍ من توحاه ينهار = سقم الزعيم ومن فزع له بشارة سمعوا صياح الفرم مشهور الاذكار= اللي يخل الجمع مثل الصهارة دون الطمع جا عندهم حب الاعمار = وتغايدوا باب النجاة ومزارة راحن بهم عرب الجلاميد عبار = والفرم بالميدان حاز انتصاره وفاز اخو حسناء وادبرا الخصم وانهار= وسولف بها اللي نازحٍ عن دياره فعله قديم وراعي الفعل مابار= ومجده ومجد اللي سبق بالصدارة حرٍ مجاذيبه صواريم واحرار= والحر حر وبه شموخ ونداره لعل ابو جلال مع سيد الابرار= والله بالفردوس يرفع وقارة ويجعل مكانه مع محمد والانصار= في منزلٍ عن كل حوبه طهارة ولكل عصر رجال وظروف واقدار= وراح الفخر حقه يحفظ افتخاره اللي رصيده يكرم الضيف والجار= وجوره على من براسه جواره يندى نداه ولا على مجده غبار = وش عاد لو تنبح كلاب الحضارة مايستوي بالفعل صانع وصفار= والاصل ماهو سلعةٍ مستعارة مهما نشوف من المصايب والاسرار= الحر دايم يكتفي بالاشارة سلام تسليماً على صدره شعار= باسم السلام ومن ضميري قراره مضمون مايحمل شذى بن وبهار= ينصى الامير اللي عليه الامارة ينصى محمد راعي الموقف الحار= لا جنب الواجب شوير السمارة يامير خذ مني تفاصيل الاخبار = من عقب جيتك يابو فيصل زيارة ناصيك منصى اللي عليه الدهر جار= من واهجن بالصدر زاد احتشاره والاني لك الله يابيض الوجه محتار= بعد الكريم وقدرته وقتداره عندي ثقة فيك انت مع كل الاصرار= واللي مقامك مايجوز اعتذاره وعندي على فعلك مواثيق واقرار= علم مدى التاريخ يقبى عماره عمار يبقى طول الايام عمار= منك وعليك ومن نباك انتشاره طور الحجاز وطلعة الشمس تكرار= وصيتاً سمى بين النجوم اشتهاره هذا قليلاً من كثيراً بالاشعار = باللي سبقني بالمثل وختياره ولو كل مخلوقاً على الكيف يختار= محدٍ يحسب للربح والخسارة وانا التمست من الدهر ظلم وانكار= ومن قلة الفزعات ذقت المرارة يالفرم غروني كبيرين الاعذار= اللي بغير الهرج مامن شطارة وقت الرخا ميزانهم ثقل سنجار= وفي حزة الواجب تجيهم غياره مثل الثعالب لاتقت شر الاخطار = وان شافت الحايم تدل الجحارة وغديت مثل مجاهد النار والغار= عجزت يمينه لاتساعد يساره لي عنهم انت وكلمتي مابها اضمار= ياتاج راس المرجلة ياشعارة تكفى ترى ماني على الجور صبار = كبدي بها يالفرم مثل الشرارة ياتاج راسي وقفتك تجل الامرار= وفعلك يغسل الكبد ماهو عياره يامير حرب اللي لك الروس تندار= من دون راسك ماتجوز استشارة رايك صليب وبالمهمات مغوار= وعندك لفتل الراي عرف وشطارة ولا تخضر الوديان من دون الامطار= وانا انتظر من الخبر والبشارة والمدح فيك اسمى المعاني والاشعار= ومدحٍ بلا برهان ظلم وخسارة

صح لسانك وعلاء شانك ياشاعرنا العلم جوهر بن غالب الجعيدان وكفو فالمادح والممدوح ويستاهل شيخ شمل بني علي الشيخ محمد بن عبدالمحسن الفرم
ولله درك على هذا الشرح الوافي لقصة دس الطير احسنت يابو غالب وقصيده جزله من راس جزل وابن جزل والهزله مالها عليك طريق لاذكرنا غالب بن جعيدان وذكرنا خوالك المقطه من الهيلا لاهنت لاهنت لاهنت واسجل اعجابي بالقصيده وبكل ماتكتب ياجوهر الجعيدان وتقبل مني صادق الود والتقدير والاحترام لشخصك العزيز والله يحفظك ويرعاك