][ جودي وغضبها على مدرستها ][
مرة رجعت من الدوام قبلها ...
وقلت خليني أتفنن بالمطبخ شوي ...
وشوي الساعه 11 وربع الا اسمع صقع باب ...
وحسيت أحد دخل البيت اجي اشوف مافي أحد...
:)
بس لقيت شنطتها مرمية بالمدخل الخارجي ...
واغراضها مرمية بطريقها ....
اخر شي لقيته عند الدرج عرفت انها اختي العزيزة ...
طلعت فوق لقيتها تصارخ عند امي وتدعي ...
طبعاً مافهمت شي بس قالت ( ان ثاء الله يثير لها حادث وتموت وربي يزعل منها ) ...
قلت ول وش هالدعوة :(
المهم امي هدأتها ... وجلستها وقلت هاه وش صار جودي ...
قالت الأبلة الغبيه ... قلت عيب أحد يقول لأبلته غبيه ...
قالت ايه أنا :)
قلت طيب وش سوت ...
قالت أنا كنت واقفه بالباص وهي صرخت علي وجلستني ...
وماصرخت على البنت الثانيه قالت لها يا ( ماما اجلسي ) ههههههههه
قلت حسبي الله على ابليسك اللحين كل هالدعوة عشان ماقالت ياماما :)
المهم بعدينا اصلحنا الأمور مع المعلمة ...
وطلبت جودي نقل لمعلمة أخرى