دونت لي في ورق قرطاس = و بالدم سطرت كراســه
كنت في بحر الهوى غطاس = واليوم غرقان في ساسـه
واللي هويته رهيف احساس = و آسرني ابرقة احساسـه
الخــد كنـه بـريـق المـــاس = و تغـار من خـده الماسـه
عـوده دقيـق خضر ميـاس = و لاشفت مثله فاجناســه
يا كم فديتـه بهذا الـــراس = واقـول يفــداه و بـراســه
سقيته مني شهد في كاس = ودس لي السـم في كاسـه
ووقف على بابهم حـراس = ولا يمشي الا بحراســه
وانا ما زلت اقول لا باس = والبعد مقـواه في بـاســه
وليـن عقـلي صابـه مــاس = مشغول دايم بهوجاســه