المشاركة الأصلية كتبت بواسطة زيد بن مبشر الحصني الحربي

يامرحبا باسم المعازيب ياضيوف=أقولها والواجب يقول قلها
بحفلة بني عمي ولا ليّ معروف=يصوبني من ذي مايصوب أهلها
آل النحيت ولا تعزويت بضعوف=مقدم بني سالم وأنا كلّي إلها
لبيت دعوتهم ولا عندي اضروف=حربي واشارك حرب في محتفلها
ماتنتعوض مثل هاذي لو اتطوف=بعض الفرص مايعوض فيها بدلها
وأقول كانه قيل لي ماأنت مكلوف=بعض المواقف مالها الاجملها
ماأقولها طامع ولا أقولها خوف=وابرك لها وأشيل ليا قال شلها
ابن نحيت مجار عن كل صادوف=لولا الثقه مكانته ماوصلها
رحب بكم ترحيبت العين بالشوف=بعد انجزت منها الأطباء عملها
في ليلةٍ منسي تعبها ومخلوف=برتبت شرف وتشرف اللي حملها
حرس وطن عن كلّ طامع وملقوف=والفتنه العمياء واهلها قتلها
مع قادةٍ ماتقبل الحل منصوف=أهل العداله كل عوجا تعدلها
يابو بدر بابوح عن ماحتوا الجوف=والمجهمه بين الوضح ماعقلها
دام المواهب عن بعضها بها نوف=أفخر بموهبتي وباللي كفلها
ويامرحبا باسم المعازيب ياضيوف=أقولها والواجب يقول قلها