المشاركة الأصلية كتبت بواسطة لافي

ياحـر ياللي زايد الطيب مبـداك=ياقـرم ياللي ماقصر دون بَدِّه
لاعـل رجـلٍ مايثمنـك يفـداك=ويموت ما وايق على الذيب سده
قال المثل يفداك من كان عـاداك=ويفداك غرٍ ما احترم وأين حده
مرحوم ياللي في الملازيم مقـداك=النايف اللي شـاهده طيب مـده
نعم الرفيق اللي على العز يبراك=ولا يشتكي لاراح من طول مِدَّة
ولا ياعضيدٍ يوم ننخـاك نلقـاك=ياعـد دايـم تنثـر الطِّيب يده
خُـذْ العلـوم الطيبـة لا تعـداك=وإن جـاك علمٍ ما ينومسك عَدِّه
وراع الردية لاتحطـه في يمناك=ومنـه بـذل لك أيْمِنـه لا ترده
حنـا سنـد ياغـايتي لاعدمناك=وأنت سنـد في كل ليِّن وشِـدة
ارقى سما والله على الخير يجزاك=وسـورٍ يردك عن مراميك هِدِّه