اعزائي واخواني اعضاء منتدى السلام عليكم ورحمة الله وبركاته اهدي اليكم هذه المشاركه المتواضعه وهي قصيده وجديه اتمنا ان تحوز على اعجابكم
واوجودي وجودي واوجودي جود =وجد من رحلته مالله كتب عودها
تسع واربع اسنين كل ابوهن اقعود=شبت يخلف الله كد مجهودها
ذاق فيها المهونه والعنا والهود = عند ماالى حسب لناس وضهودها
لانصارى اكتاب ولايهود يهود =كل ما طاح قام العن اجدودها
ياخذونه اكريك وياخذونه عمود=ماترك حاجة ماكابد انكودها
يوم حان السفر واشتال كيس النقود= يوم علمه مع الفرحه وموعودها
جاه من جاه واقفى في خزين الرصود = غفلة بالثواني قد معدودها
سفهوه القضاه وعاقبوه الجنود= وحرموه المدينه يطلع احدودها
ماعليهم من التهمه على من تعود=والمعازيب بارة فيه بجحودها
طامعتبه عجوز وطامع فيه عود=وطفلة يحتريه ايطيب عنقودها
العواده اكهوله والمعوشه اضهود =والعشى والغدى ماتاجد انقودها
والمنيحه رهن والبيت والخت( جود)= اكبر من المشكله واصغرمن الهودها
غلق الصبر منها لين باح السدود= كل يوم(ن) تشيل الما على اعضودها
مار مامن ورى سقايت المي فود=ماتساوي لك اله خبز مفرودها
واخذة شايب تمشي نوصيه دود =جوزوها يبون الشيب من فودها
يوم ملك عليها بار فيها العهود =وان تشكت يقوم الطم اخدودها
والعشيقه غدة من عشقها تقل عود=لين سبع الدخاتر قامت اترودها
كل يوم مرضها في جسدها يزود = يوم تصحي وعشر ايام في كودها
واوجودي وجوده يوم جوه النشود=فوق ماهو بحال تصخف اشهودها
لا يذوق الطعام ولا يذوق الرقود =وابيض الشيب خالط لحيته سودها
فوق ماهو بحال ماعلى اقصاه زود=حالة يرحم الله غيب مفقودها
واوجودي وجوده ياالله الوجود = حال والى انت نفسي عز موجودها
ياقدير عليك المعجزه ماتكود = انت رب الخلايق وانت معبودها
غافر الذنب تغفر زلتي ياودود= يوم ذات الغلام ايشيب مولودها