السلام عليكم ورحمة الله وبركاته
هذه المحاوره تمت عن طريق الجوال مع الاستاذ الشاعر فهد سعيد الاحمدي
ابــــو حـجــيــج
الورد لو بوصفه هـو ورد=مقدر ازيـد الـورود ورود
مهمـا تغيـب وعنـا صـد=يبقى اريجـه لنـا موجـود
ابـــــو خــالـــد
الورد يحلـى بملمـس يـد=تداعبـه والحنيـن يــزود
حتى الفرح يرتسـم عالخـد=ويبقى لعليل الغـرام وقـود
ابــــو حـجــيــج
اخاف يذبل ويخـون العهـد=وانا عطيته عهـد ووعـود
والله لـولا الحيـاء والـرد=لاصير خولي بـلا مـردود
ابـــــو خــالـــد
ارويه من نهركـم والشهـد=يبقى معاك الزمـان يجـود
امشي معـه بالوفـا تسعـد=يكفيك همس العيون السـود
ابــــو حـجــيــج
تنهل مـن السانيـه والعـد=قلبي ودمي تحتهـا جنـود
كفي عطاهـا قـراح الـود=تقبل وتقفي وانـا وملهـود
ابـــــو خــالـــد
مهما زمانك عليـك اشتـد=خلك على حالـك المعهـود
بحر الهوى بين جزر ومـد=لاتخالفـه والريـاح ركـود
ابــــو حـجــيــج
اخاف بعد العنـاء والجهـد=حظي مثل شوكت العنقـود
تقرب من الـورد ولاتنعـد=محدن عرف فضلها المشهود
ابـــــو خــالـــد
يكفيك قربـك منـه وتـرد=عنه الاسى ونظرة المقـرود
مهما جمال الـورود امتـد=لابد مـن شوكهـا فالعـود