سلام وقعـه عسل حالـي=مخصوص فالعيد للأحبـاب
للأحمـدي طـاب ترحالـي=أهل الكرم طيبيـن أنسـاب
من ديرتي جيـت لأخوالـي=مرحوم جدي أصطفيت أقراب
والقلب في شوفـة الغالـي=معـذور ماينتظـر أسبـاب

يامرحبا من صفى بالى=ولأحبابنا نكثر الترحاب
للكل فالقلـب منزالـى=وتشريفكم غاية المطلاب
عليكـم يعـود متوالـى=اعوام عده زهر واطياب
يامن بكم صرحنا عالى=لقاكم مكاسب مع الكساب

ياماهر أنت على بالـي=وافي وللطيبـه كسـاب
ذكرك فالمنـزل العالـي=عن الوفا مالكم مجنـاب
بيـان شرفـت منزالـي=لديت وليا القمر ماغاب
فرحت بك الدار وتلالـي=طير السعد غردت أسراب

مرحب هلا زان منزالي=بحضوركم عيدنا ماغاب
هذا كلامي ماهو لحالي=كل احمدي سجله بكتاب
يابن الرجال اول وتالي= حرب جمعتنا مافينا اجناب
لاصرت خالك تعنالي=افتح لك القلب قبل الباب

فقلوبنا قدركـم عالـي=نجمه تعلى على المرقاب
يبقى على مر الاجيالـي=يامرحباً والنفوس طياب