أخوي الغالي سالم البشري جبر الله عزاك بفقيدك والله يلهمكم الصبر والسلوان والله يرحمه برحمته الواسعه ويسكنه فسيح جنته ويخلف عليكم بما اخذ ويبارك لكم بما ابقى ويحفظهم ويجعلها اخر الاحزان
ليت الخبر مزحه ولاصار من جد= بس الاماني ماترد المقادير
ماعنك يالمكتوب هجه ولا صد=ولا تفيد ابك الحيل والمحاذير
لكل مخلوقٍ نهايه لها حد=يعلم بها اللي في يديه التدابير
والعبد مهما عاش لابد لابد=من حفرةٍ له صلحوها الحوافير
والخلق ذا نازل وذامرتحل شد=خلف السلف تدرج جموع المظاهير
يجبر عزاك اللي جعل فالصبر مد=سموه مفتاح الفرج والتباشير
سلوان ياعينٍ بكيتي على ود=ولحشمتك تذرف دموع المناعير