مابه عليكم زود يابن مبشر=بالشعر واسلوم الرجال العريقه
سيف لدم انحور الاعدا يطشر=وذخرن إلحرب اهل الوجيه الطليقه
اوجهك على عز ومعزه يبشر=بالطيب والفزعه وشيمة رفيقه
ياجعل يفداك الضعيف المدشر= اللي سنام المرجله مايطيقه
ولاشاف طيب بفعل حربي إيكشر=لامادحن ربعه ولا بل ريقه
والا انت حرن في سما المجد نشر= جنحانه اللي للفخر ماتعيقه
مدحتني مدحن بزيد المؤشر =وافخر واحفضه مثل حفظ الوثيقه
مانته كما اللي كل شعره مخشر= مشري وفزعه كان ماهو سريقه
له سبحتن تشبه إلذيل المعشر=ولاشاف له مرقاب روح يويقه
وسط الصحايف كل يومن ينشر=وشواربه قدام دقته حليقه
وانا ما اخذت الشعر جاهز مقشر=اغوص في وسط البحور العميقه
وليه مع الشعار قسمن يوشّر=في راس من حسده سبايب إلضيقه
وبالقافيه شرواك ماينتحشر=انته علم واحمد بداية طريقه