أمر تدلل ياهوى البال لبيك=واللي فقلبك لايرده لسانك
تأمر على روحٍ من الشوق تأتيك=روحٍ تدور ياوليفي حنانك
عطني وش فقلبك وانا لازم اعطيك=ومابخاطرك اشر عليه فبنانك
يجيك ماتبغى على كف يديك=واللي تريده راح اجيبه عشانك
واشوف فرحة خاطرك يوم احاكيك=والضحكه الحلوه ونظرة اعيانك
ومن قلب تحكي يسمعك قلب مغليك=قلبٍ عشق زولك ولايوم خانك
اللي رفض كل المزايين شاريك=وده طوال العمر يبقى وزانك
يافايقٍ بالزين مااحدٍ يحاليك=لاشك بارز فالحلا في زمانك
الله يجملني معك دوم اهنيك=واصير انا اقربلك من اغلى إخوانك
وتراي احبك يامنى الروح واغليك=وإن كان تبغى الروح خذها ضمانك
ودايم تدلل ياهوى البال لبيك=واللي فقلبك لايرده لسانك